Go lora le go nagana go fapana ka eng?

Batho bešo nke le rarolleng mo.

Ge ke dutše ke nagana, go direga eng mo monaganong waka? Ke dutše mo ke dutšego e kaba ka sefatanageng, ka ntlong, moriting goba mo ke bonago go lokile gore ke dule ke je marapo a hlogo. Ke gare ke ya fase le godimo ka dikgopolo.

Go gonwe....

Ke malaong aka keile le boroko ke a lora. Ge ke tsoga phapano e mo kae? Tše ke di lorago ge ke robetše nka diphetha ge ke tsogile le tše ke dinaganago nka diphetha ge ke feditše go nagana. Ge ele nna ke bona diswana. Go lora le go nagana go a swana.

• Ge o nagana oa lora.
• Ge o lora oa nagana.

Phafoga torong le monaganong o dire ngwana' mokgalabje.

Go balabala go lefela ka eng

O ka sebe le tšhwelopele ge o ka phela ore:

• Ge nkabe ke humile ke be ke tla phela gabotse.
• Ge nkabe ke rutegile nkabe ke šoma gabotse.
• Ge nkabe ke na le tšhelete ke be ke tla dira se le sela.
• Ge nkabe ke le botse ke be ke tla phomelela medirong yaka.

Mabaka a gona ke a mantši ene ga re fihle felo ge re ka a šala morago. Lena le dutšego fase la šima le balabala le tla buna eng? Mengwaga ya lena ga ya ema felo go teye. Ge ore phaphara o tlo humana selemo e le nwagola ke a go botša.

Bonang gore le dira sesengwe le sengwe se le se naganago gore seka thuša setšhaba. Go nyakega menagano yeuwe yalena. A re šomeng . Motho mang le mang ona le morero mo bathong. Se o ka se dirago gona bjalo ke gore o thome go tsebe gore ke wena mang.